Les mots surlignés font l'objet d'une note
1Monseigneur, je receus hier bien tard receus vostre pacquet dans
2lequel estoit vostre lettre datée du XXIIII de ce mois et ung vidimus
3des lettres royaulx données à Paris le XXVIIIe du mois précedent et
4publiées au parlement le XVII du présent mois, les quelles ne falhray
5faire publer demain en audience bien que Dieu graces quant à la
6seurté de ceulx de la nouvelle oppinion, elles ne nous estoient pas
7nécessaires, tout ayant procédé avec doulceur comme vostre seigneurie
8scait, mais porront servir pour chasser les vouleurs qui se tienent
9à lentour de ceste ville, tellement que monsieur du Chastelois, visénéchal
10de nostre compté seroit bien nécessaire ça bas. Par une aultre miene
11lettre, vous avois escript que ung de Privas de la nouvelle oppinion,
12au moyns il en estoit de la mort de feu admiral, soubz
13prétexte d’estre rentier, s’est venu retirer aulx Torrestes, lieu fort
14et à une lieue près de ceste ville, le quel si rendoit le lieu
15aulx rebelles, porroit beaucop infester ce quartier. Je crois que vostre
16seigneurie aura receu ladite lettre, que me gardera vous en faire
17plus longue lettre, vous présentant mes humbles et très affectueuses
18recommandations et priant le Créateur,
19Mon seigneur, vous doynt en joye et santé le comble
20de voz très haultz et généreulx désirs. A vostre mayson du
21Montelhimar, ce dernier jour de octobre mil Vc LXXII
22Votre humble et très hobéissant
23Serviteur
24Andrieu d’Exéa